Очир Ундраа ОМЗ ББСБ -ын 10 жилийн ойг тохиолдуулан Очир Ундраа Групп компанийн ажилтнуудынхаа бяцхан үрсийн дунд 3 дахь жилдээ Бүтээлч үрс сэдвийн хүрээнд 2 насны ангилалд зохион байгуулагдсан гар зургийн уралдаан амжилттай болж өндөрлөө.
Монголын үндэсний сар шинийн баярыг угтан жил бүр зохион байгуулдаг ахмад харилцагчиддаа хүндэтгэл үзүүлэх уламжлалт арга хэмжээ 2017 оны 02 сарын 18-ны өдөр Кемпенски Хаан зочид буудлын ёслол хүндэтгэлийн танхимд зохион байгууллагдаж, манай хамт олны зүгээс ахмад буурлууддаа талархан, ирж буй тахиа жилд ажил үйлс нь өөдрөг бүтэмжтэй байж, эрүүл энх урт удаан наслахыг хүсэн ерөөж гарын бэлэг гардууллаа.
МББСБХ-ны “Шилжин явах цомын төлөөх” 2017 оны Сагсан бөмбөгийн тэмцээнийг Очир Ундраа ОМЗ ББСБ-ын хамт олон амжилттай зохион байгууллаа. Тэмцээн 2017.05.13-14 ний өдрүүдэд 4 дэх жилдээ амжилттай зохион байгуулагдан, 15, эмэгтэй 7 баг оролцож хурд хүч авхаалж самбаагааа сорьж шилдэгүүдээ тодрууллаа.
Гал ус, ой хээрийн түймэр, гамшиг зовлонгийн өөдөөс халуун амиа хайрлахгүй тэмцэж яваа онцгой байдлынхан, сайн дураараа дэмжлэг үзүүлж буй эх оронч залуучууддаа амжилт хүсч “Очир Ундраа” ОМЗ ББСБ-ын хамт олон өөрсдийн хувь нэмрээ оруулав.
Байгаль орчноо хамгаалах, ил задгай хог хаягдлыг цэвэрлэх зорилготой #ХогBucketChallenge аянд манай хамт олон “Эрүүл хөрс Эх дэлхий” уриан доор нэгдэж, амралтын нэг өдрөө нийгмийн сайн сайханд зориуллаа.
Монголын ирээдүй болсон хүүхэд багачуудынхаа боловсрол хөгжлийг дэмжих зорилгоор МББСБХолбооноос зохион байгуулагддаг 1000 цүнх challenge аянд 2 жил дараалан ивээн тэтгэгч байгууллагаар оролцлоо. Монголын гэрэлт ирээдүй оюунлаг байг.
Очир Ундраа ОМЗ ББСБ-ын Эрдэнэт хотын салбар Орхон аймгийн нийгмийн халамж үйлчилгээний төвтэй хамтран амьжиргааны түвшин доогуур, айл өрхүүдийг сонгон бяцхан дүү нартаа иж бүрэн хичээлийн хэрэглэлтэй цүнх бэлэглэн сурлага хөдөлмөрийн өндөр амжилт хүслээ.
Хөгжлийн бэрхшээлтэй иргэдэд итгэл найдвар өгөх зорилгоор зохион байгуулагдсан Итгэл, Найдвар, Боломж Улаанбаатар 2017 бүх нийтийн марафон гүйлтэд 3 дахь жилдээ амжилттай оролцлоо. Бусдын төлөө зориулсан үйлс бүхэн утга төгөлдөр
Ногоон орчныг бий болгох, агаарын бохирдлыг бууруулах Үндэсний мод тарих өдөрт нэгдэн жил бүр мод тарьж байна. Тус ажлын хүрээнд БЗД-ийн алслагдсан хороонд байрлах 199-р цэцэрлэгт шар хуайс болон бургасны мод шинээр тарьсан.Чанарын удирдлагын тогтолцоо
Чанарын удирдлагын тогтолцоо (ISO 9001:2015)
Энэхүү тогтолцоо нь байгууллагын дотор чанарын удирдлагыг бий болгоход зориулсан тогтолцоо бөгөөд байгууллагын ерөнхий гүйцэтгэлийг сайжруулах, тогтвортой хөгжлийн санаачлагын зохих суурь бий болох тул байгууллагын хувьд стратегийн шийдвэр байдаг. Олон улсын энэхүү чанарын удирдлагын тогтолцоог нэвтрүүлснээр байгууллага дараах үр ашгийг хүртэх боломжтой.
Үүнд:
- Хэрэглэгчийн хэрэгцээ шаардлага нийцсэн бүтээгдэхүүн, үйлчилгээг тасралтгүй нийлүүлэх
- Хууль эрх зүй болон бусад зохицуулагч байгууллагуудын хэрэгцээ шаардлагад нийцэх
- Байгууллагын алсын хараа, эрхэм зорилго, зорилтуудтай холбоотой эрсдэл ба боломжуудаа үнэлэх
- Сонирхогч талуудын хэрэгцээ шаардлагад нийцэх
Манай компанийн хувьд ISO 9001:2015 олон улсын чанарын удирдлагын тогтолцоог 2018 онд олон улсын чанарын удирдлагын тогтолцоог хэрэгжүүлдэг IRCLASS SYSTEMS SOLUTIONS PRIVATE LIMITED компанитай хамтран банк бус санхүүгийн салбарт анхлан нэвтрүүлсэн ба энэ жил 3 дахь жилдээ дараалан баталгаажуулах аудитаа амжилттай хийлгээд байна.
Чанарын бодлого
Бид Монгол Улсын хууль тогтоомж, компанийн алсын хараа, эрхэм зорилгын хүрээнд мэргэшсэн чадварлаг багийг бүрдүүлж, харилцагчдынхаа хэрэгцээ, шаардлагад нийцсэн, хүртээмжтэй санхүүгийн үйлчилгээг хурдан шуурхай хүргэж, чанарын менежментийн тогтолцоог тасралтгүй сайжруулан, мэргэжлийн ёс зүйг дээдэлсэн, салбартаа тэргүүлэгч банк бус санхүүгийн байгууллага байна.